2. Prosa: A contribución dos novecentistas non alcanzou nos anos 20 e 30 tanta relevancia no  campo narrativo como no poético. Intégranse nas canles de difusión creadas pola  xeración Nos, coleccións de novela curta, revistas e aceptan en xeral as suas  propostas técnicas e temáticas. 

2.1. Rafael Dieste: O principal prosista da xeración do 25 no período anterior á guerra foi o rianxeiro Rafael  Dieste, considerado como o gran mestre da mocidade  renovadora galega, á que deu orientación nas súas colaboracións nos diarios Galicia e El  Pueblo Gallego. Despois de varias polémicas cos homes de Nós, a fins dos anos 20  distánciase do galeguismo para asumir un compromiso republicano e de esquerdas. Tras a guerra, sofre o exilio e desenvolve un gran labor cultural e político entre a  colectividade galega da Arxentina, ante o seu regreso a Galiza a mediados dos anos 60.   

Na narrativa de Dieste destacan fundamentalmente tres trazos:

-Emprega recursos típicos do relato oral: apelacións ao auditorio, autoxus-fificacións  do narrador, referencias espazo-temporais concretas, constantes digresións, historias  encaixadas dentro do argumento principal etc. 

-A preferencia por temas que teñan misterio ou algún matiz extraordinario. 

-A orixe popular e folclórica dos argumentos.

2.2. Outros narradores da xeración novecentista 

Fermín Bouza Bre foi autor dunha novela titulada Cabalgadas en Salnés. Ambientada a comezos do século  XIX é unha novela de aventuras ou conto heroico.

Amado Carballo escribiu as  novelas curtas Maliaxe e Os probes de Deus. Esta última, protagonizada  polos moradores dun asilo de anciáns, mestura realismo e lirismo. 

Manuel Antonio deixou inédita ou espallada en xornais unha obra narrativa de grande  orixinalidade e calidade, que se caracteriza pola brevidade intensiva.

Lois Tobío constituiu unha vívida estampa do Viveiro do primero  terzo do século XX, coa decadencia fidalga e o auxe da burguesía comercial foránea  como pano de fondo. 

Na actividade narrativa destacaron tamén Luís Manteiga, Evaristo Correa Calderón,  Euxenio Montes, Xulián Magariños Negreira e Xoán Xesús González.